O‘zbekistonda to‘rt yil ichida ko‘krak bezi saratonining 6 700 dan ortiq holati aniqlandi. Ularning aksariyati erta bosqichlarda aniqlangan.

To‘rt yil davomida O‘zbekistonda skrining dasturi doirasida ko‘krak bezi saratonining 6 700 dan ortiq holati aniqlangan. Ularning 78 foizida kasallik erta bosqichlarda qayd etilgan.

Shu vaqt ichida 2,6 milliondan ortiq ayol tibbiy tekshiruvdan o‘tgan. Davolanishdan so‘ng esa 3 749 nafar bemorda sog‘ayish natijasi qayd etilgan.

Har bir raqam ortida inson hayoti turibdi. O‘z vaqtida qo‘yilgan har bir tashxis esa qimmatli vaqtni boy bermaslik imkonini beradi.

Ko‘krak bezi saratonini har doim ham mustaqil ravishda sezish mumkin emas. Alomatlarning yo‘qligi ham kasallik yo‘qligini anglatmaydi.

Xavotirli belgilar paydo bo‘lishini kutmang. Tibbiy tekshiruvlardan o‘z vaqtida o‘ting va yaqinlaringizga ham buni eslatib turing. O‘z salomatligingizga befarq bo‘lmang — bu hayotingizni saqlab qolishi mumkin.